Барааны тайлбар:

Зохиолч Б.Сарантуяагын шинэхэн бүтээл ТОГОСЫН ЦӨС роман.
Их Юань улсын төгсгөлд амьдарч асан Юньнаны захирагч Базарбарам вангийн охин Агай гүнжийн тухай өгүүлэх уг роман нь гэгээн хайр, ариун мөр, гунигт хувь тавилангийн тухай өгүүлэх ажээ.
Хайр сэтгэлээ золин байж харь үндэстний эрд очсон монгол бүсгүй Агай гүнжтэн гараасаа хөтлөх үрийн заяагаа үргээлгэн байж үе улиран захирч ирсэн дээдсийн зарлигт Юньнаныг түймэрдэх их аюулыг сөргүүлж тавьсан цурмын галыг асаах цучил болон очсон юм.
Гэвч хожмын үйл явдлууд, урган боссон учир шалтгаан, буруу санаатны хорт явуулга, дасан ижилдсэн тэдний амьдралд давж туулшгүй зовлон болохын цагт, хайр ❤️сэтгэлийнхээ гэгээн үнэний төлөө хатуу зарлигт толгой бөхийн, бүлээн нулимс яруу шүлгээ цацал болгон өргөөд одсон залуухан бүсгүйн зүрхнээс урссан хайр, унагасан нулимс, ивэлсэн шүлэг 650 жилийн туршид түүхийн цоохор хуудсыг дамжин өртөөлсөөр өнөө уран зохиолын хэлнээ буун, уншигч таны гар дээр очиж, гэгээн хайрын нандин түүхээ номын хуудсанд шивнэн өгүүлж байна. Таалан болгооно уу!

#606